Plantun de Prouvènço

Pèr coumpara dos planto d'encò nostre

Linum catharticum & Heracleum sphondylium subsp. elegans

Linum catharticum

Linaceae

Noms en français : Lin cathartique, Lin purgatif.

Descripcioun :
Lou lin-de-prat trachis dins li prado umido de colo, basso mountagno e encaro mai aut. Es uno planto proum primo di flour blanco. Douno d'èr à uno Caryophyllaceae, emé si fueio de cop que i'a óupousado, e mai d'un s'es deja o se fara engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Linum
Famiho : Linaceae

Ordre : Malpighiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Colo - Basso mountagno
Estànci : Mesoumediterran à Subaupen
Couroulougi : Pancaro entresigna
Ref. sc. : Linum catharticum L., 1753

Plaucho

Heracleum sphondylium subsp. elegans

Apiaceae Umbelliferae

Noms en français : Grande berce, Berce commune.

Descripcioun :
Grando planto, fin qu'à 1,50 m, que vèn en mountagno basso e dins li colo (subsp. sphondylium) emé de brout (oumbello) de la grosso. Se recounèis à si gròssi fueio coumpausado de large fuioun. La subsp. elegans, presentado aqui, a de fuioun proun divisa (fotò).

Usanço :
Au contro de sa cousino la plaucho dóu Caucaso (H. mantegazzianum), empouisounanto, aquelo èi manjadisso e vertuouso. Dins li relarg ounte èi coumuno (fai un pau caud au nostre), li jóuini fueio soun manjado en ensalado e peréu cuecho. Se fai uno aigo-ardènt emé li grano qu'ajudo à digeri e qu'apasimo. Ei couneigudo peréu pèr éstre acalouranto, bono contro l'ipertesuro e proun encaro.